Lula vann - Bolsonaro vil hava valið ógildað

Lula vann - Bolsonaro vil hava valið ógildað
Sitandi forsetin fekk 51,8 prosent av atkvøðunum. Avbjóðarin á høgravonginum, Flavio Bolsonaro, fekk 48,2 prosent
Lula da Silva vann seinna umfar av forsetavalinum í Brasil. Hann fekk umleið 52 prosent av atkvøðunum.
Mynd: Tuane Fernandes/Reuters/Ritzau Scanpix  
 
26.10.2026 - 07:50

Tað var sitandi forsetin, 80 ára gamli Lula da Silva á vinstravonginum, sum vann valið í Brasil í gjár.

Lula fekk 51,8 prosent av atkvøðunum. Avbjóðarin á høgravonginum, Flavio Bolsonaro, fekk 48,2 prosent.

Men Flavio Bolsonaro sýtir fyri at góðtaka valúrslitið.

- Tað er ógjørligt at góðtaka úrslitið. Eg fari at biðja um, at valið verður ógildað, sigur hann sambært AFP-tíðindastovuni.

 


Flavio Bolsonaro góðtekur ikki valúrslitið. (Adriano Machado/Reuters/Ritzau Scanpix)

 

Atkvøðufreistin longd

Orsøkin er sambært Bolsonaro, at freistin at atkvøða brádliga varð longd tveir tímar stutt fyri, at valstøðini lótu aftur.

Avgerðin um at lata valstøðini hava opið tveir tímar longur, var tikin av brasilska hægstarætti eftir umbøn frá báðum forsetavalevnunum.

Tíðindamaðurin hjá danska kringvarpinum í Suðuramerika, Kristian Almblad, sigur, at freistin var longd, tí nógvir veljarar høvdu ilt við at náa fram til valstøðini í góðari tíð.

- Nógvastaðni í Brasil koyrdu bussarnir ikki, og tí kravdu báðar síður, at veljararnir skuldu fáa longri tíð at greiða atkvøðu, sigur hann.

 

Kann ikki goðtakast

Men avgerðin kann als ikki kann góðtakast, segði Flavio Bolsonaro í røðu síni eftir tapi.

Tað er ein álvarsom útsøgn frá Bolsonaro, heldur tíðindamaðurin hjá DR.

- Brasil er nú í kreppu, sigur Kristian Almblad.


 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565