25 fólk halda jól á Herberginum

Millum 20 og 25 fólk fara at halda jól á Herberginum hjá Frelsunarherinum í ár.

Talan er bæði um fastbúgvandi og onnur, og starvsfólkini gera sítt til, at tað skal verða hugnaligt á jólum.

Herbergið fekk eina eyka jólagávu á fíggjarlógini næsta ár, tí játtanin er hækkað 300.000 kr.

Av teimum 6,5 milliónum krónunum, sum tað kostar at reka Herbergið um árið, kemur umleið helmingurin úr Noregi.