HB fer at styrkja hópin við fleiri spælarum

Føroyameistarin, HB, hevur ikki skift stórvegis út í hópinum, sum vann FM-gull í fjør.

Hørður Askham er komin til felagið úr KÍ, og Pætur Petersen er komin úr EB/Streymi.

Tríggir spælarar, sum vóru við, tá árið endaði í fjør, eru farnir úr hópinum.

John Frederiksen er farin til danska felagið Frem. Heri Mohr er farin til AB og Grétar Gunnarsson er farin til FH í Íslandi.

HB skal í ár spæla í øllum førum fýra evropeiskar dystir, og tí er neyðugt við fleiri spælarum, sigur Heimir Guðjónsson.