Tveir risar í fiskivinnuni ósamdir

Er tað rundfrystur fiskur á Nærabergi og Norðborg? Tað er spurningurin, sum skilur Hanus Hansen, reiðara á Nærabergi, og Pól Huus Sólstein, stjóra á North Pelagic, sum selur fiskin hjá Norðborg. 

Hanus Hansen sigur, at svartkjafturin hjá Norðborg verður virkaður á ymiskan hátt og tí kann hann ikki samanberast við svartkjaftin á Nærabergi, tí har kann fiskurin einans frystast. 

Tað passar ikki, sigur Pól Huus Sólstein, tí hann sigur, at fiskurin á Norðborg í allarstørstan mun er frystur á sama hátt sum á Nærabergi. Tann parturin av svartkjaftaveiðuni, sum verður framleiddur á annan hátt, er í so lítlum nøgdum, at tað sæst ikki aftur í prísinum.