Japanskur dámur á vestara armi á Skálafjørðinum

12.04.2021 - 18:56
ÍtrótturHondbóltur
Japanskur dámur á vestara armi á Skálafjørðinum
Hóast tær eru meir enn 8000 kilometrar heimanífrá, eru japansku spælararnir hjá StÍF falnir væl til í friðaliga føroyska bygdarlívinum

Tær eru meir enn 8000 kilometrar frá heimlandinum.

Tær fýra, Yuika Kirimoto, Mamoko Nakamura, Mao Otani og Haruka Gima, sum eru komnar úr Japan til Føroyar.

Haruka Gima telist millum bestu hondbóltsspælararnar í Føroyum í ár, og søgan um japanska sambandið í StÍF byrjar við henni.

Ígjøgnum ein danskan umboðsmann fekk StÍF samband við Haruku, sum skuldi venja ungdómsliðini og spæla við besta kvinnuliðnum.Nú er hon ímyndin av endurreista StÍF-liðnum, sum í hesum døgum spælir um FM-heitið móti Neistanum.

 - Fleiri spælarar eru byrjaðir aftur hetta kappingarárið, og liðið er vorðið betur av tí sama, sigur Haruka Gima.

Salta fisk á Vaðhorn

Hinar tríggjar, sum allar eru úr Tokio, komu í fyrstu syftu til Føroyar fyri at arbeiða. 

Tær starvast til dagligt á Vaðhorn á Strondum.

 - Mær dámar væl at arbeiða har (á Vaðhorn, red), men tað er strævið. Eg eri rættiliga móð eftir hvønn arbeiðsdag, sigur Yuika Kirimoto.

Jens Martin Knudsen, virkisleiðari, hevur bert gott at bera teimum.

 - Tær møta væl upp, arbeiða við fullari ferð, eru í góðum lag og eru sera fólkaligar. So tær eru fantastisk arbeiðskraft, sigur hann. 

Trívast hóast stóra mentanarmunin

Teimum fýra dámar væl í Føroyum, og eru falnar væl til, hóast stórur munur er á dukandi stórbýarlívinum undir glógvandi neonskeltunum í Tokio, og friðarliga bygdalívinum á vestara armi á Skálafjørðinum. 

 - Øll kenna tær, og tær tosa við øll. Tær eru sum eitt vanligt bygdarfólk, sum gongur her og melur, sigur Jón Rasmussen, venjari, sum hevur leitt StÍF-liðið til FM-finalurnar.

 - Mær dámar væl her í Føroyum, tí fólkini eru so vinarlig og eru sum ein familja fyri okkum, sigur Haruka Gima. 





 
 
Er kopiera

Tak niður

Nýggjastu sendingar í ÚV
Hósdag 24. juni
Morgunlestur hósdagur 24. juni 2021
125462
Mikudag 23. juni
Nón 23. juni 2021
125835
Mikudag 23. juni
Morgunlestur mikudagur 23. juni 2021
125807
Nýggjastu sendingar í SV
Mánadag 21. juni
3-2
125752
Leygardag 19. juni
Video: 5mf gentur, sundalagsstevna 2021
125674
Leygardag 19. juni
Video: 10mf, sundalagsstevna 2021
125671
Leygardag 19. juni
Video: 8mf, sundalagsstevna 2021
125670
Leygardag 19. juni
Video: 5mf dreingir, sundalagsstevna 2021
125669