Argjabáturin fekk skarpan gang frá Knørri

Nýggi Argjabáturin roynist væl og 8-mannafarið hevur vunnið allar fýra róðrarnar í ár. Á Varmakeldu fingu argjamenn tó skarpan gang frá Knørri

Símun Christian Olsen

05.07.2021 - 11:35

Tá 100 metrar vóru eftir á mál á Varmakeldu, var Knørrur stavnin frammanfyri Argjabátin, men í sjálvum endaspurtinum otaði reyði báturin seg framum og vann ein serdeilis spennandi 8-mannafarsróður.

Argjabáturin hevur vunnið allar fýra róðrarnar higartil, og nú skal nógv til, um argjamenn ikki skulu fara avstað við FM-heitinum í ár.

Kappingin um triðja plássið var eisini gróthørð. Har dróg Gullbrandur longra stráið í harðari kapping við Sølmund.

8-MANNAFAR

Nr	Bátanavn	Tíð	Stig
1	Argjabáturin	04:43.25	7
2	Knørrur	04:43.40	6
3	Gullbrandur	04:45.28	5
4	Heiðabáturin	04:45.29	4
5	Nevið Reyða	04:52.02	3