Humaniter kreppa í Afghanistan

Ruðuleiki hevur valdað í afghanska høvuðsstaðnum Kabul, síðan Taliban tók valdið í landinum sunnudagin. Túsundtals fólk hava leitað sær á flogvøllin í vónini um at sleppa umborð á eitt av mongu flogførunum, sum í skundi flúgva fólk úr Afghanistan. 

Tað gekk óvanliga skjótt hjá Taliban at taka valdið í landinum, eftir at NATO og USA eftir 20 ár tóku sínar hermenn úr landinum. 

ST aðalskrivarin heitir á øll heimsins lond um at vera til reiðar at taka ímóti flóttarfólki úr Afghanistan. Hann heitir eisini á heimssamfelagið um ikki at vísa afghanum aftur til Afganistan.