Liðskiparin: teirra mál eru ræðuliga óneyðug

Føroyski liðskiparin, Hallur Hansson, var ikki nøgdur við verjuspælið, tá Føroyar taptu 2-0 fyri Eysturríki fyrr í kvøld. 

 - Tær støðurnar, sum vit koma í, har teir skora og fáa kjansir, eru ræðuliga óneyðugar, segði ein týðiliga vónbrotin Hallur Hansson eftir dystin.

 - Um tú skalt upp á næsta stig, mást tú simpelthen fáa hasar støðurnar vekk úr verðini.

Liðskiparin iðraði seg eisini um, at tað ikki eydnaðist at skjóta mál í fyrra hálvleiki.

 - Einki at ivast í. So høvdu vit kunna tikið eitt heldur verjukendari útgangsstøðu, og tá vit lógu har afturi, høvdu teir ringt við at lata okkum upp.