Sarah Mahfoud skal verja HM-beltið

06.12.2021 - 18:37
ÍtrótturAnnar ítróttur
Sarah Mahfoud skal verja HM-beltið
Í februar 2020 gjørdist Sarah Mahfoud heimsmeistari í boksing í fjaðurvekt. Nú, nærum tvey ár seinni eftir koronuórógv, fær hon endiliga kjansin at verja beltið

Sarah Mahfoud er endiliga aftur í ringinum. 

Boksarin, sum fyri skjótt tveimum árum síðani vann heimsmeistaraheitið í boksing í fjaðurvekt, skal í januar verja sítt belti fyri fyrstu ferð, og venjingin á Amager saman við venjaranum Bernardo Checa er byrja.

 - Eg havi næstan ikki boksað í tvey. Korona gjørdi, at ein dystur varð avlýstur, sum eg annars vandi fram ímóti, og so vandu vit eisini fyri hálvum øðrum mánaði síðan, men tá vildi boksisambandið, IBF, ikki góðkenna mótstøðukvinnuna, sigur Sarah Mahfoud.

 - Hetta var fyrsta venjing í dag, og nú hava vit ein mánaða, sigur boksarin.

Yvirav Sarah Mahfoud hesa ferð er týska Nina Meinke, sum gjørdist evropameistari í 2018. Hon hevur vunnið 10 av 12 dystum higartil, meðan Sarah Mahfoud er ósigrað enn.

 - Hon er sterk, og hevur boksað í tyngri vektflokkum. Hon hevur ein góðan teknikk, og er ein dugnaligur boksari. So tað verður ikki ein lættur dystur, men tað er eisini tað, sum ger, at tað verður ein góður dystur, sigur Sarah Mahfoud.

Dysturin um heimsmeistaraheitið verður 7. januar.



 
 
Er kopiera

Tak niður

Nýggjastu sendingar í ÚV
Mánadag 17. januar
Við Tórði á túri um staðarnøvn
134177
Mánadag 17. januar
Nón - 17. januar 2021
134169
Mánadag 17. januar
Norðurljóð 17.januar 2022
133666
Mánadag 17. januar
Nogvir spennandi venjarar í Betri-deildini
134160
Mánadag 17. januar
Greidleiki er lítið brúkt
134135
Nýggjastu sendingar í SV
Mánadag 17. januar
3-2
134193
Sunnudag 16. januar
Hondbóltur: Føroyar - Lettland
134104
Sunnudag 16. januar
10-mannaførini 2021
134102
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088