Aftur eftir 900 dagar á síðulinjuni

Hon hevur altíð elska at sparka.

Síðan Rebekka Fjallsá Benbakoura var fýra ára gomul, hevur bólturin verið ein trúfastur vinur.

Evnini vóru eyðsæð, og álopssinnaði spælarin kom skjótt á besta HB-liðið, har hon stóð seg somikið væl, at landsliðsboð eisini vóru eftir henni. 

Hetta fekk ein bráðan enda, tá fyrireikingarnar til kappingarárið 2020 vóru í hæddini. Rebekka sleit krossbandið, og ístaðin fyri grønar vøllir stóð skurðviðgerð og drúgv uppvenjing fyri framman.

 - Onkran mánamorgun á vetri segði eg við fysioterapeutin: 'Eg tími øgiliga illa at vera her.' Tað var ofta, at eg hugsaði, at 'nú er nóg mikið, nú orki eg ikki meir', greiðir Rebekka Fjallsá Benbakoura frá.

 - Men dagin eftir, so koyrdi tað aftur.

Eftir at hava sitið uttanfyri í samfullar 934 dagar, kom Rebekka aftur á vøllin 14. apríl, tá HB spældi ímóti TB/FCS/Royn.

 - Tað var heilt fantastiskt, sigur HB-spælarin.

 - Tað var ein lætti, og familja og vinir vóru komin at heppa. 

Sí innslag við Rebekku Fjallsá Benbakoura omanfyri 

rebekka_mynd1.jpg

Frítekst tagging: 

Fótbóltur

HB

Rebekka Fjallsá Benbakoura