12 milliónir fyri 100 metrar av á

12 milliónir fyri 100 metrar av á
Arbeiðið at lata Havnará upp aftur byrjaði í dag. Men tað eru ikki øll, ið halda, at tað er rætt at nýta 12 milliónir krónur til eina tílíka verkætlan at fríðka um miðbýin
13.09.2022 - 17:57

Talan er um umleið 100 metrar av á oman á Havnará, sum skulu latast upp frá Betri Banka oman til standmyndina av Rasmus Effersøe.

Men ikki allir havnaborgarar gleðast um verkætlanina.

Av teimum 13 býráðspolitikarunum í Tórshavnar kommunu, var ein, ið ikki atkvøddi fyri. Tað var Elsa Berg.

Elsa Berg heldur, at 12 milliónir krónur høvdu rokkið langt aðrastaðni, millum annað til ein dagstovn á Argjahamri.

Formaðurin í Byggi- og býarskipanarnevndini, Tróndur Sigurðsson, heldur tó, at hetta er ein góð ætlan og vísir á, at kommunan eisini raðfestir dagstovnaøkið.


Zeta

Tríggir arbeiðstakarar vóru bodnir at geva tilboð uppá verkætlanina. J&K Petersen átti lægsta tilboðið. Hinar báðar byggifyritøkurnar, sum bjóðaðu, vóru Húsavarðartænastan og Articon.

Tað eru Zeta Architects, sum hava gjørt uppskotið, har arbeitt verður við teimum trimum hugtøkunum botnur, áarbakki og vatn.

Byggingin fer fram í trimum stigum - fyrsta stigið verður liðugt til jóla.

Restin av arbeiðnum verður gjørt komandi ár í tveimum stigum, soleiðis at tað ikki órógvar høgtíðir og ólavsøku, skrivar kommunan.

Samlaði kostnaðurin, fyri at fáa eina á at renna gjøgnum gjøgnum miðbýin í Havn, er mettur til 12 milliónir krónur.

 
Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584