Errin av at kunna umboða Føroyar

Tvær ella tríggjar ferðir bjargaði hann Føroyum ímóti Kosovo leygardagin.

Fótfimu spælararnir á heimaliðnum fingu spælt seg ígjøgnum inni í brotsteiginum minst tvær ferðir, men Mattias Lamhauge, sum loysti av fyri skadda Gunnar Nielsen í føroyska málinum, var knappur úti og fekk vart fyri.

 - Eg royni at koma út og gera meg so stóran, sum gjørligt, og so haldi eg eisini, at verjan klárar at leggja nokkso nógv trýst á teir, segði ein lítillátin málverji eftir dystin.