Kjartan Johansen: "Fantastiskt at sleppa inn at merkja stemningin"

Skaðar darvað Kjartan Johansen nógv seinasta árið, og teir gjørd, at hann ikki fekk verið við í sigrinum móti Rumenia herfyri. 

Tí var tað eyka søtt hjá Kjartani Johansen at sleppa upp í part eina løtu í sigrinum móti Ukraina í kvøld. 

"Tað var heilt fantastiskt at sleppa inn og sleppa at merkja stemningin. Tað er hetta, ið mann livir og spælir fyri," staðfesti Kjartan Johansen eftir dystin. 

Høgri bakkurin á føroyska landsliðnum helt, at føroysku leikararnir vóru betri hondbóltsspælarar enn ukrainsku leikararnir, sum hinvegin vóru kropsliga sterkari.

Kjartan Johansen var tó ikki so áhugaður at tosa um avgerðandi dystin móti Eysturríki sunnudagin. 

"Nú fara vit fyrst at njótan hendan sigurin í kvøld, so hyggja vit upp á Eysturríki, tá tann dysturin nærkast."