- Tíðindi, mentan og ítróttur
Málverjin: Havi hugt at teirra skjúttum
Málverjin: Havi hugt at teirra skjúttum
Hann hevur hugt nógv at videobrotum av eysturríksku skjúttunum, og hevur eina góða fatan av, hvar skotini fara í dag. Millum annað tí hevur Pauli Jacobsen góðar vónir
30.04.2023 - 13:22
Málverjin á føroyska hondbóltslandsliðnum, Pauli Jacobsen, er væl fyrireikaður til avgerandi EM-undankappingardystin ímóti Eysturríki í dag.
- Eg havi hugt nógv at video. Tikið teirra skjúttar ígjøgnum og notera mær, hvar teir hava skotið í seinastu dystunum, og so havi eg gjørt mær eitt yvirlit yvir, hvar eg vænti, at teir fara at skjóta í dag, sigur Pauli Jacobsen.
Hann spældi ein frálíkan dyst í heimasigrinum á Ukraina, og hann verður helst noyddur at endurtaka bragdið, um tað skal eydnast at syfta Eysturríki og tryggja sær EM-plássið í Týsklandi. Málverjin sjálvur hevur góðar vónir.
- Vit trúgva, at vit kunnu fáa stig í dag og spæla okkum beinleiðis í EM-endaspælið, sigur hann.
Nýggjastu sendingar í ÚV
Nýggjastu sendingar í SV