Sílið fekk reytt kort

Dreingirnir á Sílinum og hinum bátunum í 5-mannførum við dreingjum, 17-18 ár, høvdu ikki róð nógvar metrar, áðrenn róðurin var skotin av. 

Skjótt varð greitt, at Sílið hevði fingið reyða kortið frá dómarunum fyri at stýra skeivt. Hetta var stórt vónbrot, og manningin úr Havnar Róðrarfelag helt, at tað var hart dømt.

 - Vit hava vant sera hart alla vikuna til akkurát hesa stevnuna, tí vit vóru so nær við á sundalagsstevnu, segði Sjúrður Eysturoy av Sílinum.

Fípan Fagra (KRF) vann róðurin suverent frammanfyri Drekan (HR), Koll (KÍF) og Rókin (MR).