Ein øgilig uppliving fyri okkum

Fleiri enn 11.000 fólk sóu Føroyar tapa sín fyrsta EM-dyst fyri Slovenia á Mercedes Benz-Arena í Berlin hósdagin.

Var tað stuttligt hjá teimum fleiri túsund føroyingunum á áskoðaraplássunum, var tað sanniliga eisini stuttligt á bláa EM-gólvinum.

 - Hetta var ein øgilig uppliving fyri okkum allar, segði blaðungi bakspælarin, Óli Mittún.

 - Eg fekk gásarhold hvørja ferð vit skoraðu, og tá vit sungu tjóðsangin.

Óli Mittún fegnaðist um, at fóturin, sum hevur darva honum undir EM-fyrireikingunum, nú tykist vera, sum hann skal. - Eg eri kanska aeitt sindur eymur beint nú, segði bakkurin, sum nú skal savna seg um eina uppaftur størri uppgávu. 

- Vit vita, at Norra er eitt nógv sterkari lið enn tað, sum vit spældu ímóti í dag, men vit fara at gera alt fyri at levera ein góðan innsats aftur, segði Óli Mittún.