Veðrið: Kolandi stormur við hvirlum upp í ódn

Tað verður sera ring veður í morgin. Ja, tað verður kolandi stormur við hvirlum upp í ódn.

Veðurstova Føroya skrivar um veðrið í morgin, mikudagin 31. januar:

Veksandi upp í hvassan storm av útsynningi, 25 til 28 m/s. Samdrigið og regn. Fram ímóti middegi gongur hann upp í vestan, og tá veksur vindurin upp í kolandi storm, 29 til 33 m/s, við hvirlum upp í ódn. Skýggjað og regn ella ælaveður. Seinnapartin og um kvøldið minkar vindurin spakuliga niður í hvassan vind ella skrið av útnyrðingi, 15 til 20 m/s. Skiftandi skýloft og ælaveður, sum kann vera við vátakava. Hitin 4 til 8 stig.