Nei takk til grønan elmálara

So skjótt SEV boðaði frá, at skipanin við bíligari streymi, til tey, sum hava hitapumpu og løðistøð til elbil heima, verður tikin av, hevur handverksmeistari fingið avboð frá kundum, sum ikki fara at fáa sær eyka málara.

Magnus Magnussen, formaður í Føroya Handverkmeistarafelag, sum eisini hevur egna fyritøku, hevur longu fingið avlýsingar frá kundum, sum annars ætlaðu sær at fáa ein eyka elmálara og á tann hátt fáa bíligari streym í eina tíð.

Í Degi og viku í seinastu viku, segði Per Hansen, sum júst hevði fingið sær ein eyka elmálara, at tað kom illa við, at skipanin við 40 oyru í avslátri fyri kilowatt tíman, nú verður avtikin í 2030 og fer niður í helvt í 2028. 

Magnus Magnussen hevur sett nógvar elmálar upp til billøðarar og hitapumpur og fleiri kundar standa eisini á bíðilista at fáa tílíkar elmálarar.

Hann heldur tað er ivasamt, um tað loysir seg at gera íløguna, tí spurningurin er, um fólk spara hana innaftur, tá ið skipanin verður avtikin um nøkur ár.