Heimspolitikkur í Tinganesi

Alheims trygdarpolitikkur er uttan iva stórur partur av vitjanini hjá Ursulu von der Leyen í Føroyum hósdagin. Tað eru Jóannes Eidesgaard, fyrrverandi løgmaður, og Jenis av Rana, limur í uttanlandsnevndini samdir um.

Almenna endamálið við ferðini er, at hon saman við løgmanni skal skriva undir semjuskjal millum Føroyar og Evropasamveldið um styrkt samstarv, og síðani skal ES-nevndar forkvinnan til Nuuk, har hon skal lata upp eina Arktiska ES skrivstovu.