Norðurlond mugu vera tilbúgvin til ófrið

Tey eru 250 fólk í tali, sum í hesum døgum fundast í Havn. Tingfólk, ráðharrar, ungdómspolitikarar, embætisfólk og serfrøðingar. Tey skulu øll umrøða trygdarpolitisku støðuna í Norðuratlantshavi. Tað hevur Ísland gjørt av, sum í løtuni hevur formansskapin í Norðurlandaráðnum.

Norðurlondini, sum eru grannar við Russland, Finland, Noreg og Svøríki, hava ávara borgararnar um, at støðan er ótrygg. Vandin fyri at vera álopin er til staðar, og tí skal hvør einstakur vera tilbúgvin. Men vit her í útnorðri eiga eisini at vera tilbúgvin, heldur Bryndís Haraldsdóttir.

Veðurlagsbroytingarnar eru eisini ein orsøk til at hugsa um trygdina í Norðuratlandshavi, heldur forkvinnan í Norðurlandaráðnum.

Ein felags norðurlendsk verja hevur onkuntíð verið upp á tal, og tað heldur Bryndis Haraldsdóttir vera eitt gott hugskot.