Icelandair: "Longu stórur áhugi fyri Føroyaleiðini í Norðuramerika"

Størsta brosið í komuhøllini í Vága floghavn í dag átti sølu- og marknarðarstjórin í Icelandair, Tómas Ingason. 

"Tað var heilt fantastiskt at lenda í Vágum í dag. Sera vakurt. Vit kundu ikki ynskt okkum nakað betri. Gott veður," staðfesti Tómas Ingason. 

Hann vísti á, at nýggja Føroyaleiðin hjá Icelandair knýtir Føroyar upp í góða rutunetið, sum íslendska flogfelagið longu hevur til bæði Norðuramerika og Grønlands. 

"Áhugin er longu stórur, merkja vit frá bæði ferðaskrivstovum, men eisini frá okkara viðskiftafólkum."

Tómas Ingason, sølu- og marknarðarstjórin í Icelandair