Pauli Jacobsen: Eygað er ikki frískt enn

Føroyski málverjin, Pauli Jacobsen, spældi í verndarbrillum, tá hondbóltslandsliðið vandi í Hoyvík mánadag fyrrapart.

Playoff-dystirnir ímóti Norðurmakedónia, har HM-pláss stendur upp á spæl, nærkast, men tað er ikki vist, at HØJ-málverjin verður á vøllinum. Høgra eyga er ikki lekt enn eftir skurðviðgerð fyrr í vár.

 - Tað er blivið væl betri, men tað tekur eina tíð, áðrenn sjónin er heilt, sum hon skal vera í høgra eyga, greiðir Pauli Jacobsen frá.

 - Nú royni eg bara at spæla so væl, sum eg kann, við teimum fyritreytum sum eru í løtuni.