Bussarnir sluppu ongan veg

Tað vóru mong, ið skuldu í skúla og til arbeiðis, sum máttu finna eina aðra loysn ella fara heim aftur, tí verkafólk forðaðu fyri, at bussleiðirnar 400, 401, 410 og 501 fóru nakran veg. 

Bussarnir, sum skuldu fara úr Havnini til Klaksvíkar og úr Klaksvík til Fuglafjarðar og Havnar í morgun, sluppu ongan veg. Eisini vóru forðingar á Syðradali í Kalsoynni. 

Endmálið er at steðga verkfalsbroti
- Verða verkføllini áhaldandi brotin, mugu feløgini hyggja eftir, um tey undantøk, ið eru givin, skulu takast aftur, sigur Sonja Jógvansdóttir, samskipari í Samtaki, sum var møtt upp á farstøðini í Havn í morgun.