Eir í Ólavsstovu: "Eg vil geva kvinnum eina rødd"

Kvinnur hava í stóran mun verið ósjónligar í okkara søgu, hóast teirra íkast hevur havt alstóran týdning. Tað sigur Eir í Ólavsstovu, sum í dag frumsýnir nýggjan film um júst hetta evnið. 

Í nýggjasta heimildarfilminum, "Karyatida", fylgir hon listakvinnuni, Guðrið Poulsen, tá standmyndin til heiðurs fyri kvinnur deyðar í barsilssong verður til.

Rigmor Restorff Dam, søgufrøðingur & rithøvundur, vitjaði í sjónvarpsstovuni. 

Føroysku kvinnurnar livdu og virkaðu í einum patriarkalskum samfelag, har allir valds- og myndugleika-persónar vóru menn, umframt at maðurin sum eigari og arvingur var løgfrøðiligt høvur í familjuni. Hesin patriarkalski struktururin er eisini orsøk til, at so fáar keldur umrøða kvinnulív og kvinnuheilsu, og at søgan einamest er skrivað av monnum, fyri menn og um menn. 

Skrivar Rigmor Restorff Dam m.a. í bókini  "Tær góvu lív" - sum snýr seg um kvinnur, sum doyðu í barsilssong.