Viðmerkjari: Skuldu brúkt hópin betur

Ov nógvar tekniskar villur og ov vánaligt verjuspæl í seinna hálvleiki høvdu við sær, at Føroyar mistu leiðsluna og taptu EM-undankappingardystin fyri Ukraina í Litava sunnudagin.

Tað heldur fyrrverandi hjálparvenjarin á føroyska landsliðnum Julian Johansen.

Hann heldur eisini, at um føroysku venjararnir høvdu brúkt spælarahópin betur í fyrra dystinum - ímóti Kosovo mikukvøldið - høvdu lyklaspælararnir havt meir orku til avgerandi løtuna ímóti ukrainum.

 - Tað ynskistøðan hjá einum venjara at sleppa at brúka so nógvar spælarar, sum gjørligt. Í dystinum ímóti Kosovo kundu vit í mínari verð gott spælt aðrar leikarar inn í seinna hálvleiki og kanska eisini í fyrra hálvleiki, segði Julian Johansen.