FM á 2000 metrum: Heri róði frá hinum

Heri Klein Olsen var bestur, tá hann í harðari kapping vann føroyameistaraheitið í inniróðri á 2000 metrum um vikuskiftið.

Tobias Kempf endaði á 2. plássi, og Kristian Linklett Mortansson  fekk bronsuna.

 - Tað eru ræðuliga nógvir góðir rógvarar til kappingina, so mann hopaði upp á tað besta, og tað gekk, segði FM-vinnarin eftir kappingina.

Næstu tíðina verður farið av maskinunum og í bátarnar, og allir tríggir heiðursmerkjavinnararnir skulu royna seg í summar.

Heri Klein Olsen og Kristian Linklett Mortansson skulu kappast í tíggjumannafarsróðrinum við ávíkavist Norðingi og Havnarbátinum.

Tobias Kempf verður at finna í áttamannafarinum Sørvingi.