Tætta stigatalvan órógvar ikki landsliðið

Størsta uppgávan hjá føroyska landsliðnum er, at avrika væl og vinna dystir á útivølli, har liðið ikki hevur eina stóra føroyska áskoðarafjøld í rygginum.

Føroyska áskoðarafjøldin verður ikki til staðar í Pristina í annaðkvøld, men um sigurin kemur til høldar kortini, tað fáa vit at síggja.

Stigatalvan, har tætt er millum øll liðini, órógvar ikki fyrireikingarnar hjá føroyska liðnum.

Landsliðið er øgiliga nær enn einum EM-endaspæli og skal bara brúka eitt stig móti Kosovo til at tryggja sær EM-billettina.

Føroyski hópurin savnar seg um landsdystin móti Kosovo og hugsar als ikki um støðuna í undankappingarbólkinum, har tað bara eru tvey stig millum nummar 1, Føroyar, og nummar 4, Kosovo.

Billettin til EM kemur í fremstu røð, siga Hákun West av Teigum og Teis Horn Rasmussen, men er møguleiki at enda ovast í bólkinum, fer landsliðið sjálvsagt eftir tí.