Fimleikurin aftur við manér: menninir vunnu fimm gull

Føroyskur fimleikur hátíðarhelt sínar fyrstu oyggjaleikir í nógv ár við at vinna heili níggju gullmedaljur í fyrstu kappingini.

Dagurin byrjaði við monnunum, og teir vóru til dystin fús.

Teir vunnu liðkappingina, men tað var um reppið. Føroyar endaðu bert 0.025 frammanfyri Isle of Man, og tordu mestsum ikki at trúgva upp á sigurin.

 - Vit vóru øgiliga spentir at royna gólvið. Og tað kenst væl. Eg var nokkso nervøsur, og eg vildi fegin gera tað gott, segði Rókur S. Vestergaard, sum eisini vann gull í beinsveiggj og á gólvi og fekk silvur í paralell barr. 

 - Eg eri sera errin av avrikinum hjá dreingjunum. Tað kennist stórt, og eg kenni tað sum ein heiður at vera við, segði venjarin, Andreas Peter Bøgebo.

Harumframt vann Torleivur Christiansen gull í ringum, Ari Poulsen var bestur í lopi og Bjarki Johannessen fekk silvur í rekk. 

LES EISINI: Føroysku fimleikakvinnurnar eisini bestar