Rásin: Læra um lívið í nýggjum hølum

- Í nýggja køkinum sleppa næmingarnir til dømis at arbeiða við størri amboðum, nú vit hava fingið industrikøk, soleiðis at vit kunnu læra tey at fara út at arbeiða aðrastaðni.

Tað fortelur Beinta Persdóttir Joensen, sum er leiðari á Rásini, um nýggju hølini í Saltangará. 

Rásin er ein eftirskúli til ung við menningartarni, sum eru liðug við fólkaskúlan. 

Á eftirskúlanum, sum liggur í Saltangará, læra tey ungu um meira enn tøl og bókstavar: Tey læra um lívið sjálvt.

Við nýggju hølunum fáa tey enn betri umstøður at trívast og mennast, sigur Beinta Persdóttir Joensen.