H71-mistøk góvu Fortes Venlo sigurin

Talan var um stórdramatikk, tá H71 tapti 40-39 ímóti hollendska felagnum Fortes Venlo í European Cup-kappingini hjá evropeisku hondbóltssamgonguni, EHF.

Heimaliðið var frammanfyri heilt til endans - bæði í vanligu leiktíðini og í umdystinum - men útiliðið svaraði aftur og avgjørdi dystin við brotskasti í evstu løtu.

Eftir ætlan skuldu tveir dystir spælast; fríggjakvøld og sunnudag, men flogferðslan var illa darvað av vánaligum veðrið, og tí varð avtala, at ein røkkstøkk-dystur skuldi spælast sunnukvøldið við føroyskum dómarapari. 

Eftir drúgva túrin og ógvusliga skaðan, sum ein á útiliðnum fekk fyri steðgin, nærum grótu Fortes Venlo-spælararnir av gleði, tá brotskastið endaði í netmeskunum og tíðin fór.

 - Tær halda trýstið yvir allan dystin, og vit klára ikki at standa ímóti. Tær fara so at skjóta mál, sum vit annars høvdu dekkað væl upp ímóti, og vit gera nøkur teknisk mistøk í álopinu. Serliga í avgerandi støðum, segði Maria Halsdóttir Weyhe.

 - Eg hevði sjálv tveir næstan óprovokeraðar feilir, sum kosta øgiliga dýrt, og slík mistøk geva teimum sigurin.