Umbygging av Miðnámi á Kambsdali er liðug

Hakin varð settur summarið 2023, og í dag var almenn móttøka, tí nú er umbyggingin av Miðnámi á Kambsdali liðug.

- Tað hevur gingið skjótari enn væntað, og tað hevur ikki órógvað so nógv sum væntað.

Tað sigur Ester í Lág, næmingur á Kambsdali, sum fegnast um nýggju lestrarkarmarnar.

Umbyggingin hevur kostað 94 mió. kr., og hevur við sær millum annað eina nýggja høll, ið savnar handils- og studentaskúlanæmingarnar:

- Úrslitið er ein fantastisk og stór høll, ið kann rúma øllum næmingunum - harumframt eru fleiri nýggjar skúlastovur til náttúruvísindi.

Tað sigur Christian Joensen, rektari, sum fegin vísur runt í nýggju umstøðunum á Kambsdali, í innslagi í Degi og viku.