Andrias Edmundsson: "Eg klári væl at fylgja við teimum allarbestu"

"Tað var sera kærkomið at fáa fyrsta sigurin í hús," ásannar ein fegin Andrias Edmundsson oman á 2-1 sigurin hjá Hellas Verona á Bologna á útivølli. 

"Vit hava verið óhepnir ikki at hava fingið fleiri stig enn vit hava. Men í dag spæla vit okkum til fleiri stórar kjansir, og vit eru eisini avgjørdir í avgerandi støðunum."

Andrias Edmundsson, ið er fyrsti føroyingur í Seriu A, sær út til at stórtrívast í best italsku fótbóltsdeildini. 

"Eg kenni, at eg geri mun, og eg klári væl at fylgja við sjálvt teimum allarbestu, so tað er góð kensla," sigur toftamaðurin, sum í januar skifti úr toppinum á polskum fótbólti til botnin í bestu italsku deildini.

"Vit trúgva uppá, at vit fara at bjarga okkum lívinum í Seriu A, men vit síggja eisini, at tað verður trupult. Men vit fara inn á vøllin fyri at vinna hvønn dyst," greiðir landsliðsmiðverjin frá.