Demenssjúk fólk enda á Herberginum

Ein tilkomin kvinna við demensi hevur seinastu mánaðirnar búð á Herberginum í Havn, tí eingin almenn skipan hevur loftað henni.

Kvinnan hevur onga familju, og um náttina svevur hon á Herberginum. Um dagin gongur hon ofta einsamøll runt í Havn, og tað hendir, at hon ikki finnur aftur til Herbergið um kvøldið.

Martin Kúrberg, leiðari á Herberginum, sigur, at leiðslan hevur søkt er um búpláss til kvinnuna, men enn er eingin varandi loysn funnin. Samstundis vísir leiðarin á, at hon ikki er tann einasta við demensi, sum heldur til á Herberginum. Tey eru í alt fimm.

Støðan hevur fingið leiðaran á Herberginum at seta spurnartekn við, um fólk við demensi í Føroyum fáa ta hjálp og tey rættindi, teimum tørvar. Hann finst samstundis at Tórshavnar kommunu og heldur, at kommunan ger ov lítið fyri hendan bólkin.