Føroyskt uppskot fekk naggatódnina úr samráðingunum

04.09.2013 - 08:58

Innlendis›Samfelag

Nýggi føroyski samráðingarleiðarin, Herluf Sigvaldsson, legði fram uppskotið á fundinum í London mánadagin.

Høgni Djurhuus

Johnsigurd Johannesen

Aktivera javascript

Herluf Sigvaldsson, samráðingarleiðari, er væl nøgdur við úrslitið av fyrsta samráðingarfundinum

Eitt føroyskt uppskot fekk naggatódnina úr aftur samráðingunum hjá strandarlondunum um norðhavssildina.

Londini samdust í gjár um at seta fiskifrøðingar úr øllum londum at gera eitt vísindaligt grundarlag, sum ein nýggjur býtislykil kann byggja á. Nýggi føroyski samráðingarleiðarin, Herluf Sigvaldsson, legði fram uppskotið á fundinum í London mánadagin.

Hvussu stór kvotan verður næsta ár, er óvist. Arbeiðið, sum fiskifrøðingarnar fara undir í heyst, verður ikki liðugt, tá kvoturnar skulu býtast fyri 2014.