Dátueftirlitið: Løgreglan hevur heimildina

Politiið hevur fulla heimild at almannakunngera vakmyndir av fólki, sum eru undir illgruna fyri at hava stolið ella gjørt onnur brotsverk.

Tað sigur stjórin í Dátueftirlitinum, Eyðhild Skaalum.

Fyritøkur og stovnar, sum vilja hava vakmyndatól, skulu fyrst søkja Dátueftirlitið um loyvi til hetta. Og endamálið við at seta vakmyndatól upp er júst at fyribyrgja og uppklára stuldur, sigur Eyðhild Skaalum.