Hvassar atfinningar geva hvørki neps ella uppsøgn

Samskiftið millum Strandferðsluna og Vinnumálaráðið og landsstýrismannin, Johan Dahl, tykist óskipað, ógreitt og skiftandi.

Hetta er ein av nógvum átalum, sum løgtingsgrannskoðararnir komu við í gjár. 

Men løgmaður hevur framvegis álit á Johan Dahl.

Og løgmaður ætlar ikki, at tað skal fáa avleiðingar fyri Johan Dahl, at hann ikki kunnaði løgtingið um, at Strandferðslan hevði slakar fimm milliónir krónur ov lítið til raksturin í fjør.