Miklagarður kallar matvørur aftur

Miklagarður í SMS í Havn kallar nú aftur fleiri matvørur, tí illgruni er um, at listeria-bakteria kann vera í teimum.

Enn er eingin tilburður staðfestur, men Miklagarður tekur eingi óráð fyri og vil fyribyrgja, at nakar skaði hendir.

Talan er um níggju ymisk sløg av matvørum: Hamburgarryggur, skinka, rullupylsa, oksabringa, saltkjøt, kálvarrullupylsa, luksus speygupylsa, roykt filet og neytaspeygupylsa við osti.

Talan er um matvørur, sum eru pakkaðar frá 28. apríl til 7. august.

Kundar, sum hava keypt hesar matvørur, skulu tveita matvørurnar burtur, ella venda sær til Miklagarð við vøruni.

Hoyr Jørgen Jørgensen, slaktara í Miklagarði, í útvarpstíðindunum.