- Tíðindi, mentan og ítróttur
Almannaverkið biðja løgregluna um ráð
13.05.2017 - 12:49
Innlendis
Almannaverkið biðja løgregluna um ráð
Almannaverkið fer at leita sær ráð hjá løgreglu, Kriminalforsorg og Bústøðum um, hvussu bústaðir til ung við trupulleikum skulu skipast

Eitt ógvusligt harðskapsmál fær nú stjóran á Almannaverkinum, Edvard Heen, at leita sær ráð frá m.a. løgregluni
Mynd: savn
Almannaverkið fer mánadagin at seg saman við Kriminalforsorgini, løgregluni og Bústøðum at finna eina loysn uppá, hvussu bústaðir til sálarliga veik ung skulu skipast.
Tað sigur Edvard Heen, stjóri í Almannaverkinum, eftir at tað er komið fram, at harðskapsmálið seinasta vikuskifti, har ein maður varð álopin við øks og goggara, byrjaði í einum vardum bústaði hjá Almannaverkinum.
Maðurin bløddi illa, tá hann varð funnin, og tveir mans sita nú í varðhaldi, skuldsettir fyri drápsroynd.
Í vikuskiftis-Sosialinum stendur, at hendingin var úrslit av, at fleiri vóru komin til ilnar í einum balli í einum vardum bústaði hjá Almannaverkinum.
Sí eisini
Nýggjastu sendingar í ÚV
Nýggjastu sendingar í SV














