Strangari krøv til trygdina á Varðanum

Tá virkið hjá Varðanum Pelagic verður bygt uppaftur, verða strangari krøv stett til trygdina.

Millum annað kann virkið rokna við herdum krøvum til stóru ammoniakkgoymsluna.

Tað sigur Suni Petersen, deildarleiðari á Umhvørvisstovuni.

Tvøroyrar býráð samtykti mikudagin einmælt at geva Varðanum Pelagic loyvi at byggja virkið uppaftur.

Tað varð gjørt á eykabýráðsfundi, sum varð hildin seks dagar eftir, at umsókn varð komin frá Varðanum.

Loyvið er tó ikki endaligt, fyrr enn eitt nú Umhvørvisstovan hevur góðkent virkið.