Skorheim: Skeivt at lýsa verkbann

Jógvan Skorheim, borgarstjóri í Klaksvík, er ikki nøgdur. Avgerðin hjá nevndini í Kommunala arbeiðsgevarafelagnum at lýsa eitt verkbann so tíðliga í sáttmálatrætuni millum pedagogfelagið og kommunala arbeiðsgevarafelagið og fíggjarmálaráðið er eitt ov ógvisligt stig. 

Borgarstjórin í Klaksvík heldur lítið um, at nevndin í Kommunala arbeiðsgevarafelagnum spyr seg fyri hjá borgarstjórunum, men ikki er áhugað í svarunum.  

Serliga óttast Jógvan Skorheim, borgarstjóri í Klaksvík, at kommunan kann missa starvsfólk orsaka av verkbanninum - ella lockoutinum. Orsøkin er, at verkbannið gevur starvsfólkunum møguleikan fyri frítt at fara og finna sær eitt annað starv uttan vanligu uppsagnartíðina.

Hoyr innslagið við Jógvan Skorheim omanfyri.