Fjølrit ger avtalur við kommunurnar um gjald

Fjølrit, sum røkir áhugamálini hjá teimum sum skriva tekstir, skriva tónar og taka myndir, er komið ásamt við Kommunufelagið um ein avtalufrymil, sum Kommunufelagið mælir kommununum at taka undir við.

Fyrsta avtalan um samsýning fyri tilfar verður undirskrivað í morgin.

Tað hevur leingi verið lógarfest, at rindast skal fyri tilfarið, sum verður nýtt. Fjølrit hevur fingið loyvi frá Mentamálaráðnum at umsita skipanina, sigur umsitarin í Fjølriti, Heidi Durhuus.

Avtalan, sum nú er gjørd, varir í 2 ár, og ta tíðina skal greiða fáast á, hvussu nógv tilfar verður nýtt í skúlunum.

Og tá fyrsta avtalan er undirskrivað, sigur Heidi Durhuus seg ikki ivast í, at aðrar kommunur fara at gera tað sama

Tað er Runavíkar kommuna sum fer at skriva undir fyrstu avtaluna við Fjølrit.