Gimme 90 ár: Lívið er ein gáva

"...Hevur tú ringa tíð?" spyr Gimme, tá vit sessast á Essabarr, ið fyrr æt Café Natúr. "Nei, tað havi eg ikki". "Okey, tí eg havi bara tíð", svarar Gimme.

Gongur tá á Havnargøtum seinnapart, hevur tú ivaleyst sæð hann. Gimma. Hann eitur Hjalgrím Martin Hansen, men vil bara verða nevndur Gimme. 

Gimme er upprunaliga av Slættanesi, men bygdi sær hús í Rituvík. Fyri trimum árum síðani brendu húsini í grund. Húsini, Gimme hevði búð í áleið 60 ár. Hann býr tí á Signabø hjá ein av synunum. Hann er ikki beiskur av sinni. Hann elskar lívið. Hvønn dag fer hann við bussinum til Havnar, har hann byrjar á Essabarr. Fær sær eina øl og síðani gongur hann gjøgnum allan miðbýin. Eftirhondini er Gimme blivin ein býarmynd. Hann er ikki smæðin og prátar við øll, ið hava hug at práta. 

Gimme fylti 90 ár í dag, men tað órógvaði ikki gerandis-rutuna, sum hann fer eftir hvønn dag. 

Summartímin týsdagin 10. juli