Peningastovnar stúra fyri ójavnari kapping

20.10.2020 - 18:00
InnlendisSamfelag
Peningastovnar stúra fyri ójavnari kapping
Kapitalkrøvini verða herd, og tað kann forða peningastovnunum at veita vinnulívi og húsarhaldum fígging
Helgi Abrahamsen, landsstýrismaður, og danski vinnumálaráðharrin, Simon Kollerup, høvdu fund í Føroyum í gjár

Føroysku peningastovnarnir stúra fyri ójavnari kapping, nú kapitalkrøvini verða herd.

Tí vilja teir hava Helga Abrahamsen, landsstýrismann, at umrøða støðuna við danska vinnumálaráðharran, Simon Kollerup.

Hann var á vitjan hjá Helga Abrahamsen í gjár, og teir eru samdir um at taka málið upp.

Óneyðuga tyngjandi

Teir hava boðað frá, at kapitalkrøvini til føroysku SIFI-bankarnar mugu ikki gerast óneyðuga tyngjandi, so tað forðar fyri, at peningastovnarnir kunnu veita føroyskum vinnulívi og húsarhaldum neyðuga fígging í framtíðini.

Tann møguleikin er til steðar, nú kapitalkrøvini til SIFI-bankarnar verða herd munandi, so ein triðingur av pengunum í bankunum skal vera til at standa ímóti við.

Ikki somu krøv

Ein føroyskur peningastovnur, sum er SIFI-banki, skal halda nýggju treytirnar, meðan ein banki í Danmark, sum ikki er SIFI-banki, sleppur undan treytunum, hóast hann er størri. Og tí kann talan gerast um ójavna kapping.

Krøvini til SIFI-bankarnar eru og verða nógv herd, sigur Helgi Abrahamsen, landsstýrismaður.

 
Er kopiera

Tak niður

Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652