Landslæknin: Eitt mistak at játta koppseting

– Tað var eitt mistak av mær at játta umbønini frá Uttanríkismálaráðnum um at koppseta sendifólk fyri koronu.

Tað sigur Lars Fodgaard Møller, landslækni og formaður í koppsetingarnevndini.

Hann ásannar, at hann helt ikki kunngerðina, tá hann gav Uttanríkis- og mentamálaráðnum játtandi svar.

Kaj Leo Holm Johannesen, landsstýrismaður, sigur í einum tíðindaskrivi í dag, at formaðurin í koppsetingarnevndini hevur fingið eina átalu.