Matstovur noyðast eisini at gjalda fyri bankatosk

Toskurin av Føroya Banka er høgt í metum hjá matstovum. Seinastu árini hevur verið vanligt, at matstovur hava biðið um bankatosk frá Magnusi Heinasyni, áðrenn hann verður boðin út á uppboðssøluni.

Matstovurnar hava fingið toskin, men prísurin sum tær mugu gjalda er tann sami sum á Fiskamarknaðinum, sigur umsitingarleiðarin á Havstovuni, Annfinn Hjelm.

Magnus Heinason seldi góð 30.000 pund á Fiskamarknaðinum í morgun. 8.000 pund vóru av toski, sløk 20.000 pund av hýsu, og restin var onnur fiskasløg.

Miðalpísurin á toski 1 var 26 kr., á toski 2 var prísurin 24,50 kr., og á toski 3 var prísurin 20,30 kr., fyri kg.

Fyri hýsu var prísurin heldur betri, enn hann hevur verið. Miðalprísurin á hýsu 1 var 16 kr., á hýsu 2 14 kr. og á hýsu 3 12 kr. fyri kg.

Hoyr innslag í útvarpstíðindunum.