Ógreitt um Smyril Line fer at biðja um hjálp

Smyril Line hevur ikki gjørt av, um felagið fer at søkja um pengar úr nýggja hjálparpakka fýra.

Søkir felagið, noyðist landið at rinda umleið 20 milliónir krónur meira úr hjálparpakkanum.

Smyril Line søkti ikki um pening úr hjálparpakka trý, tí hildið varð ikki, at treytirnar í pakkanum hóskaðu til felagið.

Smyril Line rindaði ikki vinningsbýti í 2019, men frá 2015 til 2018 lutaði felagið tilsamans 131 milliónir kr. í vinningsbýti.

Hoyr innslag í útvarpstíðindunum.