Súni Selfoss: Støðan er álvarslig

- Eingin niðurstøða er gjørd enn, men hetta er ein ógvuliga álvarslig støða.

Tað sigur Súni Selfoss, formaður í Starvsfelagnum. nú feløgini í almenna fakfelagssamstarvinum viðgera støðuna, eftir at Helgi Abrahamsen, landsstýrismaður, hevur boðað frá, at ætlanin er fara í tingið við uppskoti um at lóggeva fyri undantøkum í Almannaverkinum, tá verkfall er.

Hann sigur, at hetta stigið er álop á verkfalsrættin.

Hoyr samrøðu, sum Arnfríð Joensen Dahl gjørdi við Súna Selfoss og Óluvu í Gong, forkvinnu í sjúkrarøktarfrøðingafelagnum.

Fakfelagssamstarvið kemur væntandi til eina niðurstøðu fyri døgurða.

Helgi Abrahamsen, landsstýrismaður, segði fyri løtu síðani við útvarpið, at lógartænastan hevur hugt uppskotið ígjøgnum, og hann væntar, at tað verður borið í løgtingið seinnapartin. Fyrst skal landsstýrið tó tosa saman.