Nógv fólk á fundi í Starvsfelagnum

Áheitanin frá Starvsfelagnum á fakfeløg um at koma á fund í dag at viðgera støðuna, nú landsstýrið ætlar at leggja upp í verkfallið hjá pedagogunum og lóggeva undantøk í Almannaverkinum, hevur fingið góða undirtøku.

Nógv fólk er á fundinum, sum byrjaði klokkan 10.

Súni Selfoss, formaður í Starvsfelagnum, veit ikki, um komið verður til nakra niðurstøðu, men spurningurin um aðalverkfall verður ivaleyst reistur á fundinum.

Og kanska verður eisini farið í tingið at vísa sína misnøgd.

Hoyr samrøðu, sum Arnfríð Joensen Dahl gjørdi við Súna Selfoss í útvarpstíðindunum.