Borgarstjóri: Líkist ongum, at ongar kanningar eru í Sandoynni

- Nú verður sagt, at tað er ikki neyðugt at pota fyri koronu í Sandoynni. Tað líkist ongum, sigur borgarstjórin í Skopun, Gerhard Lognberg.

Fríggjadagin visti Selma Herup, starvsfólkaleiðari á Landssjúkrahúsinum, ikki um tað varð kannað verðuraftur í Sandoynni í hesi vikuni.

Gerhard Lognberg sigur, at hann hevur einki hoyrt frá Sjúkrahúsverkinum, um arbeitt verður við nakrari loysn.

Hoyr innslag í útvarpstíðindunum.

Dagført:

Nú seinnapartin lýsir Sjúkrahúsverkið við, at til ber at kanna seg fyri koronu á Læknamiðstøðini í Sandoynni. Møguleiki er at bíleggja tíð klokkan 16.

Leiðslan í Sjúkrahúsverkinum vil ikki enn gera viðmerkingar, um talan er um eina varandi loysn.

korona, koronukanningar, Covid-19 kanning