Jenis ótolnast eftir heimildini at seta tiltøk í verk

Jenis av Rana, landsstýrismaður í uttanlandsmálum, er farin at ótolnast eftir, at løgtingið skal avgreiða málið um heimild at seta revsitiltøk í verk móti Russlandi.

Uppskotið hevur fingið fyrstu viðgerð í tinginum, og er nú í Uttanlandsnevndini.

Jacob Vestergaard er virkandi formaður í Uttanlandsnevndini. Hann sigur í stuttari viðmerking við útvarpið, at hann kennir einki til, at nevndin drálar við viðgerðini.

Fólk eru kallað inn í Uttanlandsnevndina at siga sína hugsan um málið.

Jenis av Rana sigur, at tað hevur alstóran týdning, at heimildin kemur í hesari tingsetuni, sum endar fyrsta dagin.

Hoyr innslag í útvarpstíðindunum.